مہمند: پنڈیالئی اور گردونواح میں شدید ژالہ باری، فصلوں اور سولر سسٹم کو نقصان
مہمند: پنڈیالئی اور گردونواح میں شدید ژالہ باری نے تباہی مچا دی، جس کے باعث کھڑی فصلوں اور سولر سسٹمز کو شدید نقصان پہنچا۔
مقامی افراد کے مطابق اچانک ہونے والی شدید ژالہ باری سے مختلف علاقوں میں کھڑی فصلیں متاثر ہوئیں، جبکہ گھروں اور دیگر مقامات پر نصب سولر پینلز بھی ٹوٹ پھوٹ کا شکار ہوگئے۔
ژالہ باری کے باعث مقامی سطح پر شہریوں کو بھی مشکلات کا سامنا کرنا پڑا۔ متاثرہ علاقوں میں فصلوں اور سولر سسٹمز کو پہنچنے والے نقصان کا جائزہ لیا جا رہا ہے۔
مقامی لوگوں نے حکومت اور متعلقہ اداروں سے مطالبہ کیا ہے کہ متاثرہ علاقوں کا سروے کرکے نقصانات کا تخمینہ لگایا جائے اور متاثرہ افراد کو ممکنہ امداد فراہم کی جائے۔
واقعے سے متعلق مزید تفصیلات اور نقصانات کا تخمینہ بعد میں سامنے آنے کا امکان ہے۔
