پٹرولیم مصنوعات کی قیمتوں میں اضافے کے بعد مرغی کی قیمت میں اضافہ
پشاور: پٹرولیم مصنوعات کی قیمتوں میں حالیہ اضافے کے اثرات خوراک کی قیمتوں پر بھی پڑنے لگے ہیں، جس کے باعث پشاور میں مرغی کے گوشت کی قیمت میں ایک دن میں 35 روپے فی کلو کا اضافہ ریکارڈ کیا گیا ہے۔
ذرائع کے مطابق گزشتہ روز مرغی کی قیمت 455 روپے فی کلو تھی، جو اب بڑھ کر 490 روپے فی کلو ہو گئی ہے۔ اسی طرح مرغی کے گوشت کی قیمت بھی بڑھ کر 780 روپے تک پہنچ گئی ہے۔
تاجر اور مارکیٹ حکام کا کہنا ہے کہ پٹرول اور دیگر ایندھن کی قیمتوں میں اضافہ ٹرانسپورٹ اور سپلائی چین کے اخراجات بڑھا دیتا ہے، جس کے نتیجے میں اشیائے خورونوش کی قیمتوں میں اضافہ ناگزیر ہو گیا ہے۔
ماہرین کے مطابق ایسے حالات میں عوام پر مہنگائی کا دباؤ بڑھتا ہے اور ضرورت ہے کہ حکومت اشیائے ضروریہ کی قیمتوں کو مستحکم رکھنے کے لیے فوری اقدامات کرے۔
شہریوں نے مارکیٹ میں قیمتوں میں اضافے پر تشویش کا اظہار کرتے ہوئے کہا کہ فی الحال روزمرہ استعمال کی اشیاء کی قیمتیں بڑھنے سے عام آدمی کے لیے روزمرہ اخراجات مشکل ہو گئے ہیں۔
