پاکستان میں فی تولہ سونے کی قیمت میں 1500 روپے کی کمی
کراچی: پاکستان میں سونے کی قیمت میں کمی ریکارڈ کی گئی ہے، جہاں فی تولہ سونا 1500 روپے سستا ہوگیا، جس کے بعد نئی قیمت 4 لاکھ 30 ہزار 836 روپے ہوگئی ہے۔
آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 1500 روپے کی کمی ہوئی ہے، جبکہ 10 گرام سونے کی قیمت بھی 1286 روپے کم ہوکر 3 لاکھ 69 ہزار 372 روپے ہوگئی ہے۔
دوسری جانب عالمی مارکیٹ میں بھی سونے کی قیمت میں کمی دیکھی گئی ہے۔ عالمی بازار میں سونا 15 ڈالر سستا ہونے کے بعد 4083 ڈالر فی اونس کی سطح پر آگیا ہے۔
عالمی مارکیٹ میں سونے کی قیمت میں ہونے والی تبدیلی کے اثرات مقامی صرافہ بازار پر بھی مرتب ہوئے ہیں، جس کے نتیجے میں پاکستان میں سونے کی قیمتوں میں کمی ریکارڈ کی گئی۔
صرافہ مارکیٹ میں قیمتوں کی تبدیلی کے باعث سونا خریدنے اور فروخت کرنے والے صارفین کی توجہ مارکیٹ کی تازہ صورتحال پر مرکوز ہے۔
