‏خیبر پختونخوا اسمبلی میں صحافیوں پر قید ، جرمانہ اور پابندی کا قانون منظور

پشاور:کاشف عارف
خیبر پختونخوا اسمبلی نے صحافیوں سے متعلق ایک نیا قانون منظور کر لیا، جس کے تحت اسپیکر کو ایوان کی کارروائی کی کوریج پر پابندی عائد کرنے اور کسی بھی صحافی کو مخصوص مدت کے لیے کوریج سے روکنے کے اختیارات حاصل ہوں گے۔قانون کے مطابق اسمبلی کارروائی یا کمیٹی رپورٹس کی خلافِ ضابطہ اشاعت یا نشریات، یا کارروائی کو مبینہ طور پر توڑ مروڑ کر پیش کرنے پر قید اور جرمانے کی سزائیں مقرر کی گئی ہیں۔ مختلف خلاف ورزیوں پر ایک ماہ سے تین سال تک قید اور ایک لاکھ سے دس لاکھ روپے تک جرمانے کی دفعات شامل ہیں۔