محمد آصف زندہ ہیں تو بھارتی فوج نے کشمیر میں کس بے گناہ کو شہید کیا؟ عطا تارڑ کا سوال
وفاقی وزیر اطلاعات عطا تارڑ نے محمد آصف کی زندہ موجودگی کے بعد بھارتی فوج کے دعوے پر سوال اٹھا دیا۔ ان کا کہنا ہے کہ اگر محمد آصف زندہ ہیں تو کشمیر میں بھارتی فوج نے کس شخص کو شہید کیا؟
عطا تارڑ کے مطابق ڈی جی آئی ایس پی آر لیفٹیننٹ جنرل احمد شریف چوہدری کی پریس کانفرنس میں محمد آصف کو میڈیا کے سامنے پیش کیا گیا، جس نے بتایا کہ وہ 2023 میں پاک فوج سے ریٹائرمنٹ کے بعد زندہ اور اپنے گھر میں موجود ہیں۔
وفاقی وزیر نے بھارتی فوج کے مؤقف کو چیلنج کرتے ہوئے مطالبہ کیا کہ بتایا جائے کہ آپریشن میں ہلاک ہونے والا شخص کون تھا۔ بھارتی حکام اور پاکستانی حکام کی جانب سے اس واقعے کے بارے میں متضاد مؤقف سامنے آیا ہے۔
عطا تارڑ نے کہا کہ محمد آصف کی میڈیا کے سامنے موجودگی کے بعد بھارت کو اپنے دعوے کی وضاحت کرنا ہوگی۔
