مردان میڈیکل کمپلیکس سے جونیئر اور ٹرینی رجسٹرار کے عہدے ختم کرنے کا فیصلہ
مردان: میڈیکل ٹیچنگ انسٹی ٹیوشنز (MTI) پالیسی بورڈ نے مردان میڈیکل کمپلیکس میں جونیئر رجسٹرار اور ٹرینی رجسٹرار کے عہدے ختم کرنے کا فیصلہ کرلیا ہے، جس کا باضابطہ نوٹیفکیشن بھی جاری کردیا گیا ہے۔
جاری کردہ نوٹیفکیشن کے مطابق مردان میڈیکل کمپلیکس میں جونیئر رجسٹرار اور ٹرینی رجسٹرار کی پوسٹیں یکم دسمبر سے ختم ہوجائیں گی۔ یہ فیصلہ ایم ٹی آئی پالیسی بورڈ کی جانب سے کیا گیا ہے۔
اس فیصلے کے بعد یکم دسمبر سے مذکورہ دونوں عہدے ادارے کے انتظامی اور ملازمتی ڈھانچے کا حصہ نہیں رہیں گے۔ تاہم اس فیصلے کے ممکنہ اثرات اور متعلقہ عملے کے مستقبل کے حوالے سے مزید تفصیلات سامنے آنا باقی ہیں۔
