چئیرمین پی ٹی آئی بیرسٹر گوہر خان کی والدہ انتقال کرگئیں
مرحومہ کی نماز جنازہ آج شام 4 بجے ضلع بونیر کے گاؤں ڈگر میں ادا کی جائے گی
چیئرمین پاکستان تحریک انصاف (پی ٹی آئی) بیرسٹر گوہر خان کی والدہ انتقال کرگئیں۔ ان کے انتقال کی خبر سامنے آنے کے بعد سیاسی و سماجی حلقوں میں افسوس اور تعزیت کا اظہار کیا جا رہا ہے۔
بیرسٹر گوہر خان نے اپنی والدہ کے انتقال کی اطلاع اپنے سوشل میڈیا اکاؤنٹ کے ذریعے دی۔ انہوں نے بتایا کہ ان کی والدہ کی نماز جنازہ آج شام 4 بجے ضلع بونیر کے گاؤں ڈگر میں ادا کی جائے گی۔ نماز جنازہ میں اہل خانہ، عزیز و اقارب، دوست احباب اور مختلف سیاسی و سماجی شخصیات کی شرکت متوقع ہے۔
والدہ کے انتقال پر بیرسٹر گوہر خان کے اہل خانہ اور قریبی عزیزوں سے مختلف سیاسی رہنماؤں اور کارکنوں کی جانب سے تعزیت کا سلسلہ جاری ہے۔ پی ٹی آئی رہنماؤں اور کارکنوں نے بیرسٹر گوہر خان سے دلی ہمدردی اور تعزیت کا اظہار کرتے ہوئے مرحومہ کے درجات کی بلندی اور اہل خانہ کے لیے صبر و جمیل کی دعا کی ہے۔
سیاسی حلقوں کی جانب سے جاری تعزیتی پیغامات میں کہا گیا ہے کہ ماں کا انتقال ایک انتہائی بڑا صدمہ ہوتا ہے اور اس مشکل وقت میں پوری قیادت اور کارکنان بیرسٹر گوہر خان اور ان کے خاندان کے غم میں برابر کے شریک ہیں۔
بیرسٹر گوہر خان کی والدہ کے انتقال پر مختلف سیاسی و سماجی شخصیات نے بھی گہرے دکھ اور افسوس کا اظہار کیا۔ انہوں نے دعا کی کہ اللہ تعالیٰ مرحومہ کی مغفرت فرمائے، انہیں جنت الفردوس میں اعلیٰ مقام عطا کرے اور سوگوار خاندان کو یہ صدمہ برداشت کرنے کی ہمت اور صبر عطا فرمائے۔
مرحومہ کی نماز جنازہ آج شام 4 بجے ضلع بونیر کے گاؤں ڈگر میں ادا کی جائے گی، جس کے بعد انہیں مقامی قبرستان میں سپرد خاک کیا جائے گا۔
