عالمی و مقامی مارکیٹ میں سونے کی قیمت میں دوبارہ کمی

کراچی: پاکستان اور عالمی مارکیٹ میں سونے کی قیمت میں ایک روز بعد دوبارہ کمی ریکارڈ کی گئی، جس سے خریداروں کو معمولی ریلیف ملا جبکہ چاندی کی قیمت میں اضافہ دیکھنے میں آیا۔

آل پاکستان صرافہ جیمز اینڈ جیولرز ایسوسی ایشن کے مطابق 24 قیراط فی تولہ سونے کی قیمت 500 روپے کمی کے بعد 4 لاکھ 27 ہزار 936 روپے ہوگئی۔ اسی طرح 10 گرام سونا 428 روپے سستا ہوکر 3 لاکھ 66 ہزار 886 روپے میں فروخت ہونے لگا۔

دوسری جانب مقامی مارکیٹ میں چاندی کی قیمت میں اضافہ ریکارڈ کیا گیا، جہاں فی تولہ چاندی 60 روپے مہنگی ہوکر 6 ہزار 351 روپے تک پہنچ گئی۔

عالمی مارکیٹ میں بھی سونے کی قیمت میں معمولی کمی دیکھی گئی۔ بین الاقوامی سطح پر فی اونس سونا 5 ڈالر سستا ہوکر 4 ہزار 55 ڈالر پر آگیا۔ ماہرین کے مطابق عالمی معاشی صورتحال، ڈالر کی قدر اور سرمایہ کاروں کے رجحان کے باعث سونے کی قیمتوں میں اتار چڑھاؤ جاری ہے