وزیر اعلیٰ خیبر پختونخوا سہیل آفریدی کے خلاف دوبارہ ناقابل ضمانت وارنٹ گرفتاری جاری
اسلام آباد (ویب ڈیسک)
ڈسٹرکٹ اینڈ سیشن کورٹ اسلام آباد نے وزیر اعلیٰ خیبر پختونخوا سہیل آفریدی کے خلاف دوبارہ ناقابل ضمانت وارنٹ گرفتاری جاری کر دیے ہیں۔
سہیل آفریدی کے خلاف ریاستی اداروں پر گمراہ کن الزامات عائد کرنے اور ساکھ متاثر کرنے کے کیس کی سماعت سینیئر سول جج عباس شاہ نے کی۔ عدالت نے عدم حاضری پر وزیر اعلیٰ کے دوبارہ ناقابل ضمانت وارنٹ گرفتاری جاری کرتے ہوئے حکم دیا کہ انہیں گرفتار کرکے عدالت میں پیش کیا جائے۔
عدالت نے کیس کی مزید سماعت 26 مارچ تک ملتوی کر دی۔ واضح رہے کہ وزیر اعلیٰ کے خلاف این سی سی آئی اے نے پیکا ایکٹ کے تحت مقدمہ درج کر رکھا ہے۔
