اسلام آباد: وفاقی وزراء، مشیران اور معاونین خصوصی کی تنخواہیں اور اخراجات کی تفصیلات سامنے
وفاقی وزراء، وزرائے مملکت، مشیروں اور معاونین خصوصی کی رواں مالی سال کی تنخواہوں اور اخراجات کی تفصیلات جاری کر دی گئی ہیں۔ سرکاری دستاویز کے مطابق کابینہ کے اراکین، مشیران اور معاونین نے مجموعی طور پر 40 کروڑ 72 لاکھ 16 ہزار روپے تنخواہوں اور الاؤنس کے طور پر وصول کیے۔
مزید برآں، 100 سے زائد گاڑیوں کے استعمال، مرمت اور پٹرول پر 26 کروڑ 64 لاکھ روپے خرچ ہوچکے ہیں۔ اس سال وفاقی کابینہ اور معاونین کے لیے مجموعی طور پر 68 کروڑ 87 لاکھ 27 ہزار روپے مختص کیے گئے ہیں۔
