پاکستان نے علاقائی امن اور مذاکرات کے فروغ کے لیے مسلسل سفارتی کوششیں کیں، اسحاق ڈار
نائب وزیراعظم اور وزیر خارجہ اسحاق ڈار نے کہا ہے کہ پاکستان نے خطے میں امن و استحکام کے قیام اور مذاکرات کے فروغ کے لیے مسلسل سفارتی کوششیں کیں، جن میں وزیراعظم شہباز شریف، فیلڈ مارشل سید عاصم منیر اور دفتر خارجہ نے اہم کردار ادا کیا۔
اسحاق ڈار کے مطابق وزیراعظم شہباز شریف اور فیلڈ مارشل سید عاصم منیر پاکستان کی سفارتی کوششوں کے حوالے سے مسلسل متحرک رہے اور علاقائی امن کے لیے مختلف سطحوں پر رابطے جاری رکھے۔
نائب وزیراعظم نے کہا کہ فیلڈ مارشل سید عاصم منیر نے خطے میں امن کے قیام کے لیے پاکستان کی سفارتی کوششوں میں اہم کردار ادا کیا۔ اس سلسلے میں ان کے اور دفتر خارجہ کے درمیان قریبی تعاون اور رابطہ برقرار رہا۔
انہوں نے مزید کہا کہ پاکستان نے مذاکرات کے ذریعے علاقائی مسائل کے حل اور کشیدگی میں کمی کے لیے اپنی سفارتی کوششیں جاری رکھیں۔
اسحاق ڈار کے مطابق وزیراعظم، فیلڈ مارشل اور دفتر خارجہ کے درمیان مسلسل رابطے اور مشترکہ کوششوں کا مقصد خطے میں امن و استحکام کو فروغ دینا اور مذاکرات کے لیے سازگار ماحول پیدا کرنا تھا۔
