آئی فون 18 پرو مفت حاصل کرنے کا موقع، صارفین کیلئے خوشخبری
امریکی موبائل نیٹ ورک کمپنی ٹی موبائل نے اپنے صارفین کیلئے آئی فون 18 پرو مفت حاصل کرنے کی نئی پیشکش متعارف کرادی ہے، تاہم اس آفر سے فائدہ اٹھانے کیلئے صارفین کو کمپنی کی جانب سے مقرر کردہ شرائط پوری کرنا ہوں گی۔
کمپنی کے مطابق نئی پیشکش کے تحت صارفین کو ٹی موبائل کا ’’ایکسپیرئنس بِیانڈ‘‘ پلان اختیار کرنا ہوگا۔ نئے صارفین اپنا موجودہ موبائل نمبر ٹی موبائل پر منتقل کرکے اس آفر سے فائدہ اٹھا سکتے ہیں، جبکہ پہلے سے ٹی موبائل استعمال کرنے والے صارفین اہل فون ٹریڈ اِن کرنے کے بعد آئی فون 18 پرو حاصل کرنے کے اہل ہوں گے۔
ٹی موبائل کے مطابق آئی فون 18 پرو کی قیمت پر مکمل رعایت فوری طور پر نقد رقم کی صورت میں نہیں دی جائے گی بلکہ 36 ماہانہ بل کریڈٹس کے ذریعے فراہم کی جائے گی۔ اس طرح فون کی قیمت مقررہ مدت کے دوران صارف کے ماہانہ بل میں کریڈٹ کی صورت میں ایڈجسٹ ہوتی رہے گی۔
کمپنی کی اس پیشکش کو نئے اور موجودہ صارفین کیلئے نئے آئی فون کے حصول کا ایک طریقہ قرار دیا جا رہا ہے، تاہم صارفین کو آفر کی مکمل شرائط، اہل ڈیوائسز، پلان کی لاگت اور بل کریڈٹس کے طریقہ کار کو سمجھنے کے بعد فیصلہ کرنا ہوگا۔
ٹی موبائل کی پیشکش امریکی صارفین کیلئے مخصوص ہے اور اس کے اطلاق کیلئے کمپنی کی مقرر کردہ اہلیت کی شرائط پوری کرنا ضروری ہیں۔
