سی پی پی اے کی بجلی مہنگی کرنے کی درخواست، فی یونٹ قیمت میں اضافے کی تجویز
اسلام آباد:ویب ڈیسک
سینٹرل پاور پرچیزنگ ایجنسی (سی پی پی اے) نے بجلی کی قیمت میں اضافے کے لیے درخواست دائر کر دی ہے۔
سی پی پی اے نے فروری کی فیول پرائس ایڈجسٹمنٹ کی مد میں بجلی ایک روپے 64 پیسے فی یونٹ مہنگی کرنے کی تجویز دی ہے۔ درخواست میں مؤقف اختیار کیا گیا ہے کہ فروری کے دوران 7 ارب 42 کروڑ 70 لاکھ یونٹ بجلی ڈسکوز کو فراہم کی گئی۔
درخواست کے مطابق اس اضافے کا اطلاق کے الیکٹرک سمیت ملک بھر کے صارفین پر ہوگا۔ نیشنل الیکٹرک پاور ریگولیٹری اتھارٹی (نیپرا) اس درخواست کی سماعت 31 مارچ کو کرے گی، جس کے بعد حتمی فیصلہ جاری کیا جائے گا۔
