کاروبار گھی اور تیل کی قیمتوں میں 150 روپے فی کلو تک اضافے کا امکان
ملک میں گھی اور کوکنگ آئل کی قیمتوں میں نمایاں اضافے کا امکان ظاہر کیا جا رہا ہے۔ پاکستان وناسپتی مینوفیکچررز ایسوسی ایشن کے مطابق قیمتوں میں 100 سے 150 روپے فی کلو تک اضافہ ہو سکتا ہے۔
ایڈوائزر پی وی ایم اے کا کہنا ہے کہ پیٹرولیم مصنوعات کی قیمتوں میں اضافے کے باعث ملوں کی پیداواری لاگت میں نمایاں اضافہ ہوا ہے۔ ٹرانسپورٹیشن اور پروڈکشن اخراجات بڑھنے سے گھی ملوں پر اضافی بوجھ پڑ رہا ہے، جو موجودہ حالات میں ناقابل برداشت ہوتا جا رہا ہے۔
ایسوسی ایشن نے حکومت سے مطالبہ کیا ہے کہ فوری طور پر ایک پینل تشکیل دیا جائے تاکہ قیمتوں میں استحکام لانے اور ممکنہ اضافے کو روکنے کے لیے مؤثر اقدامات کیے جا سکیں۔
