آٹو پالیسی وزیراعظم کا ایک انقلابی قدم ہے، وزیر اطلاعات عطاء اللہ تارڑ
وفاقی وزیر اطلاعات عطاء اللہ تارڑ نے نئی آٹو پالیسی کو وزیراعظم شہباز شریف کا ایک انقلابی قدم قرار دیتے ہوئے کہا ہے کہ اس پالیسی سے پاکستان کی آٹوموبائل انڈسٹری کو جدید خطوط پر استوار کرنے اور ملکی معیشت کو مستحکم بنانے میں مدد ملے گی۔
انہوں نے کہا کہ حکومت نئی آٹو پالیسی کے ذریعے مقامی صنعت کو فروغ دینے، سرمایہ کاری کے مواقع بڑھانے اور گاڑیوں کی تیاری میں جدید ٹیکنالوجی متعارف کرانے کے لیے اقدامات کر رہی ہے۔ پالیسی میں الیکٹرک گاڑیوں کی حوصلہ افزائی بھی شامل ہے تاکہ ماحول دوست ٹرانسپورٹ کو فروغ دیا جا سکے۔
وزیر اطلاعات کے مطابق نئی پالیسی سے آٹوموبائل سیکٹر میں مسابقت بڑھے گی، مقامی سطح پر روزگار کے مواقع پیدا ہوں گے اور صارفین کو بہتر سہولیات فراہم کرنے میں مدد ملے گی۔ حکومت کا مقصد پاکستان کی آٹو انڈسٹری کو عالمی معیار کے مطابق ترقی دینا اور ملکی پیداوار و برآمدات میں اضافہ کرنا ہے۔
