ایشیئن گیمز 2026 کے کرکٹ مقابلوں کے شیڈول کا اعلان
ایشیئن گیمز 2026 کے کرکٹ مقابلوں کے شیڈول کا اعلان کردیا گیا ہے، جس کے تحت ویمنز کرکٹ کے مقابلوں کا آغاز 17 ستمبر جبکہ مینز کرکٹ مقابلے 24 ستمبر سے شروع ہوں گے۔ ایشیائی کھیلوں میں کرکٹ کے مقابلوں کو خاص اہمیت حاصل ہے اور مختلف ممالک کی ٹیمیں ٹائٹل کے حصول کے لیے میدان میں اتریں گی۔
جاری کردہ شیڈول کے مطابق پاکستان کی مینز کرکٹ ٹیم 28 ستمبر کو کوارٹر فائنل مرحلے میں اپنی مہم کا آغاز کرے گی۔ قومی ٹیم کو گروپ بی میں دوسری پوزیشن حاصل کرنے والی ٹیم کا سامنا کرنا ہوگا۔ یوں پاکستان کو ٹورنامنٹ کے ابتدائی مرحلے میں براہ راست ناک آؤٹ میچ کھیلنا ہوگا، جہاں ایک غلطی بھی ٹیم کو ایونٹ سے باہر کرسکتی ہے۔
ایشیئن گیمز کے مینز کرکٹ مقابلوں میں کوارٹر فائنل مرحلے کے بعد سیمی فائنلز کا انعقاد یکم اکتوبر کو ہوگا۔ ایونٹ کا فیصلہ کن معرکہ 3 اکتوبر کو کھیلا جائے گا، جس کے بعد ایشیائی کھیلوں میں کرکٹ کے مقابلوں کا اختتام ہوجائے گا۔
دوسری جانب ویمنز کرکٹ کے مقابلے مینز ایونٹ سے قبل شروع ہوں گے اور 17 ستمبر سے مختلف ٹیمیں ایکشن میں نظر آئیں گی۔ خواتین کے مقابلوں میں بھی ایشیا کی نمایاں کرکٹ ٹیموں کی شرکت متوقع ہے، جس سے شائقین کو دلچسپ اور سنسنی خیز مقابلے دیکھنے کو ملیں گے۔
پاکستانی شائقین کی نظریں خصوصی طور پر قومی مینز کرکٹ ٹیم کی کارکردگی پر مرکوز ہوں گی۔ قومی ٹیم کو کوارٹر فائنل میں گروپ بی کی دوسرے نمبر پر آنے والی ٹیم کے خلاف کامیابی حاصل کرکے سیمی فائنل میں جگہ بنانا ہوگی۔ سیمی فائنل میں پہنچنے والی ٹیمیں یکم اکتوبر کو فائنل میں رسائی کے لیے مقابلہ کریں گی۔
ایشین گیمز میں کرکٹ کے مقابلوں کا شیڈول سامنے آنے کے بعد ٹیموں کی تیاریوں اور اسکواڈز کے حوالے سے بھی سرگرمیاں تیز ہونے کی توقع ہے۔ پاکستان سمیت دیگر ممالک ٹورنامنٹ کے اہم مرحلے کے لیے اپنی بہترین دستیاب ٹیم میدان میں اتارنے کی کوشش کریں گے۔
ایشیئن گیمز 2026 میں کرکٹ کا فائنل 3 اکتوبر کو کھیلا جائے گا، جہاں کامیاب ٹیم ایشیا کی سطح پر گولڈ میڈل اپنے نام کرے گی۔
