صوابی: اسکولوں سے باہر بچوں کو تعلیمی اداروں میں داخل کرانے کی مہم جاری

صوابی: ضلعی انتظامیہ کی جانب سے تعلیمی سرگرمیوں کی نگرانی اور اسکولوں سے باہر بچوں کو تعلیمی اداروں میں داخل کرانے کی مہم جاری ہے۔ ڈپٹی کمشنر صوابی کی ہدایات پر اسسٹنٹ کمشنر رزڑ فخرِ عالم نے گورنمنٹ پرائمری اسکول نمبر 1 شیخ جانہ کا دورہ کیا اور وہاں تعلیمی و انتظامی امور کا جائزہ لیا۔

دورے کے دوران اسسٹنٹ کمشنر نے اسکول میں تعلیمی سرگرمیوں اور انتظامی معاملات کا معائنہ کیا۔ اس موقع پر انہوں نے علاقے میں گھومنے والے ایک ایسے بچے کی نشاندہی بھی کی جو اسکول میں زیر تعلیم نہیں تھا۔

اسسٹنٹ کمشنر فخرِ عالم نے بچے کو اسکول میں داخل کروایا تاکہ وہ بھی تعلیم حاصل کر سکے اور اپنی تعلیمی زندگی کا آغاز کر سکے۔

ضلعی انتظامیہ صوابی کے مطابق سرکاری تعلیمی اداروں میں بچوں کے داخلوں، حاضری کو یقینی بنانے اور معیاری تعلیم کے فروغ کے لیے عملی اقدامات جاری ہیں۔ اس مہم کا مقصد اسکولوں سے باہر بچوں کو تعلیم کے دائرے میں لانا اور انہیں تعلیمی مواقع فراہم کرنا ہے۔

ضلعی انتظامیہ نے اس عزم کا اظہار کیا ہے کہ ہر بچے کو اسکول تک رسائی دینے اور تعلیم کے فروغ کے لیے کوششیں جاری رکھی جائیں گی۔