پشاور لانگ مارچ کے لیے غلیلوں کی کھیپ پکڑی گئی
پشاور: 27 ستمبر کو تحریک انصاف کے ممکنہ لانگ مارچ اور احتجاج کے تناظر میں پشاور جانے والی غلیلوں سے بھری گاڑی کو قانون نافذ کرنے والے اداروں نے تحویل میں لے لیا۔
پولیس ذرائع کے مطابق 23 ستمبر کو گاڑی سے غلیلیں اور دیگر احتجاجی سامان برآمد ہوا، جسے بعد ازاں نذرِ آتش کردیا گیا جبکہ ڈرائیور کو گرفتار کرلیا گیا۔
ذرائع کا کہنا ہے کہ کارروائی ممکنہ احتجاج کے دوران امن و امان برقرار رکھنے کے لیے کیے جانے والے پیشگی اقدامات کا حصہ ہے۔
حکام کے مطابق احتجاج آئینی حق ہے، تاہم ریاستی و عوامی املاک کو نقصان پہنچانے یا بدامنی پیدا کرنے کی اجازت نہیں دی جاسکتی۔ دوسری جانب تحریک انصاف کا مؤقف بھی اس معاملے میں اہم ہوگا۔
