ایران کے میزائل بن گورین ایئرپورٹ تک پہنچ گئے، تنصیبات کو نقصان
ویب ڈیسک
ایران کی جانب سے داغے گئے میزائل اسرائیل کے اہم ترین بن گورین ایئرپورٹ کے علاقے تک پہنچ گئے جس کے نتیجے میں ہوائی اڈے کی بعض تنصیبات کو نقصان پہنچنے کی اطلاعات سامنے آئی ہیں۔
غیر ملکی میڈیا رپورٹس کے مطابق ایران نے اسرائیل پر متعدد میزائل داغے جن میں سے کئی اسرائیلی دفاعی نظام کو چکمہ دیتے ہوئے تل ابیب کے قریب واقع بن گورین ایئرپورٹ کے اطراف میں گرے۔ حملے کے باعث ایئرپورٹ کے بعض حصوں کو نقصان پہنچنے کی خبریں موصول ہوئی ہیں۔
ادھر لبنان سے بھی اسرائیل پر ایک میزائل حملہ کیا گیا جس کے نتیجے میں اسرائیلی فوج کے کمیونیکیشن سسٹم کو نقصان پہنچنے کی اطلاع ہے۔ اس حملے میں دو اسرائیلی فوجی زخمی بھی ہوئے ہیں۔
واقعے کے بعد اسرائیلی حکام نے صورتحال کا جائزہ لینا شروع کر دیا ہے جبکہ خطے میں کشیدگی مزید بڑھنے کا خدشہ ظاہر کیا جا رہا ہے۔
