پشاور سے کوہستان اور جنوبی اضلاع تک عوامی مسائل عدم توجہی کا شکار رہے، وزیراعظم شہباز شریف
اسلام آباد: وزیراعظم شہباز شریف نے خیبرپختونخوا کی صورتحال پر گفتگو کرتے ہوئے کہا ہے کہ پشاور سے کوہستان اور جنوبی اضلاع تک عوامی مسائل عدم توجہی کا شکار رہے۔
وزیراعظم کا کہنا تھا کہ صوبے میں طویل عرصے تک اقتدار میں رہنے کے باوجود عوام کو درپیش بنیادی مسائل حل نہیں کیے گئے اور مختلف علاقوں میں ترقیاتی ضروریات پر خاطر خواہ توجہ نہیں دی گئی۔
انہوں نے کہا کہ عوام کو تعلیم، صحت، سڑکوں، مواصلات اور دیگر بنیادی سہولیات کی فراہمی حکومت کی بنیادی ذمہ داری ہے، تاہم صوبے کے مختلف اضلاع میں عوامی مشکلات بدستور موجود ہیں۔
وزیراعظم نے اس بات پر زور دیا کہ سیاسی نعروں اور دعوؤں کے بجائے عملی اقدامات کے ذریعے عوامی مسائل حل کرنے اور پسماندہ علاقوں کی ترقی کو یقینی بنانے کی ضرورت ہے۔
