ہر چیز کو سیاسی رنگ دیا جا رہا تھا، گورنر خیبرپختونخوا
پشاور: گورنر خیبرپختونخوا فیصل کریم کنڈی نے کہا ہے کہ صوبے میں مختلف معاملات کو سیاسی رنگ دیا جا رہا تھا، جبکہ عوامی مسائل کے حل اور انتظامی امور کو سیاسی مفادات سے بالاتر رکھنا ضروری ہے۔
گورنر نے تجاوزات کے خلاف جاری آپریشن کے حوالے سے کہا کہ عوامی راستوں کی بحالی، ٹریفک کی روانی بہتر بنانے اور شہریوں کو سہولیات فراہم کرنے کے لیے عملی اقدامات کیے جا رہے ہیں۔
فیصل کریم کنڈی کے مطابق تجاوزات کے خاتمے کے لیے کارروائی بلاامتیاز ہونی چاہیے اور کسی کی سیاسی سفارش کو آڑے نہیں آنے دیا جائے گا۔ انہوں نے متعلقہ حکام پر زور دیا کہ عوامی مفاد کو ترجیح دیتے ہوئے قانون پر عمل درآمد یقینی بنایا جائے۔
