پہلے کا زمانہ ختم ہوگیا، اب وفاق اور صوبہ ایک ہیں، فیصل کریم کنڈی
پشاور: گورنر خیبرپختونخوا فیصل کریم کنڈی نے کہا ہے کہ پہلے کا زمانہ ختم ہوچکا ہے، اب وفاق اور صوبہ ایک ہیں اور عوامی مسائل کے حل کے لیے مل کر کام کیا جائے گا۔
گورنر خیبرپختونخوا نے کہا کہ وفاقی اور صوبائی سطح پر باہمی تعاون سے ترقیاتی منصوبوں کو آگے بڑھانے، امن و امان کی صورتحال بہتر بنانے اور شہریوں کو سہولیات فراہم کرنے کے لیے اقدامات ضروری ہیں۔
فیصل کریم کنڈی کے مطابق وفاق اور صوبے کے درمیان بہتر رابطہ کاری سے عوامی مسائل حل کرنے اور انتظامی امور میں بہتری لانے میں مدد مل سکتی ہے۔ انہوں نے اس عزم کا اظہار کیا کہ عوامی مفاد کو ترجیح دیتے ہوئے عملی اقدامات کیے جائیں گے۔
